قصيدة الشاعر عبدالعزيز بن غشام الجناحي

السلام عليكم جميعا
كما وعدتكم سابقا بقصيدة الشاعر ابن غشام الجناحي ، التي تم نشر بعض منها في هذا المنتدى ولم يعرف قائلها إليكم القصيدة ولكم تحياتي ،،
http://www.bnikhaled.com/vb/archive/...hp/t-2120.html

حبيت أنقلها لكم يمكن الرابط ما يفتح مع بعضكم
لكن انوه على الإخوة الزملاء أن القصيدة للشاعر عبدالعزيز بن عبدالله بن غشام الجناحي من مدينة القويعية
وهو حي يرزق ، مشرف تربوي بإدارة التعليم ولي علاقة به قوية
والي دعاني أنقل لكم ، لتناقل المنتديات هذه القصيدة ونسبها لشاعر قديم من آل جناح وهذا غير صحيح القصيدة للشاعر المذكور ولها مناسبة ،
وابن غشام مشهور بشعر المحاورة أكثر من النظم ، وهذه من نظمه ولكم تحياتي جميعا
،،،،،،،،،،،
يقول الجناحي خاطري بالهوى يزداد=خذيت القلم والقاف هيضني شجونه
تمثلت بالأبيات والشعر له وراد=واجرّ القصايد جرّ والقاف ولحونه
ورثت الشعر بالخال والعم والاجداد=من اللابه الي كل طرق يقولونه
واعرف المعاني والمعاني لها قصاد=ولاغرني بالقاف معناه وفنونه
وانا شاعر بالشعر وللملعبه معتاد=وانا عارف قدري وغيري يعرفونه
وانا ابني بيوتي يوم غيري لها هداد=وجميع المعاني وسط الابيات مدفونه
ولاني مع الشعار في الملعبه وداد=ولاني من الي في الملاعب يجرونه
وانا اعرف هل القيفان والي بها نشاد=هل الشعر الاول في الملاعب يغنونه
من احمد ولد ناصر ومطلق وابن عواد=ومستور والمسعودي والي يعزونه
على ابن الزلامي ثم فيصل وابن عياد=مع سواط وابن تويم والي يعدونه
صراحه هم رجال الملاعب وهم رواد=ومضمون رد البيت في البيت يثنونه
عسى ليلة تجمع فحول الشعر تنعاد=ونفتك من لعب الخراميط وظنونه
ترى الشعر له صادر وللملعبه وراد=وانا اشوف كل الناس بالشعر مفتونه
يجيب المعاني والقوافي عليه ابعاد=من الشلة الي كل قافٍ يخمونه
يحسب الملاعب والمعاني شتم وعناد=وشعارنا عند الملاعب يحذفونه
يورد علوم كلها مالها عداد=وربعه مع الشعار دايم يرزونه
كماهم كما الي شد زمله بدون شداد=ولاني خبرت الزمل يركب بحرذونه
وكماهم كما الي حط شرعه بغير عماد=وإلى جر شرعه جاه ناسٍ يهدونه
ولايدري ان الشعر وادي وهو في واد=ياجعل النشامى في الملاعب يعزونه
إلى سمع بيت الشاعر الي معه منقاد=تقلب عيونه ثم تضحك له سنونه
حسافه عليه الصف والزل والسجاد=وحتى الحفل واجد عليهم مكرفونه
وانا بضرب الامثال واسمع النقاد=ابضرب مثل والناس في الحق يدرونه
ترى الي يشب النار ما هو كما الرماد=يطفي الحطب والناس عنده يشوفونه
ولاكل من حب الصقاره ترى صياد=ولاكل طير للحباري يهدونه
وترى الشعر ما يعرف فهيدٍ ولاحماد=ولاهوب يعرض في المباسط بكرتونه
ولاهوب يشرى داخل السوق بالانقاد=ولوكان يشرى صارو الناس يشرونه
ولوكان يشرى حسبو له حساب الزاد=في سوق المتاجر والرجاجيل يغلونه
ولاهوب يدرس في مدارس هل الرواد=ولا بالجرايد ياعرب تضبط وزونه
ولوصار يدرس جاك ناسٍ وجاك احشاد=وجميع الخلايق بالعمر فيه يفنونه
ولاشك نعمة ربي المعطي الجواد=وكلٍ من الشعار رزقه بماعونه
وانا بحمد الله يوم رزقي معي ينقاد=وانا باشكر الي كل الاجناس يدعونه
ويا ناشدٍ عني ليا صرت نشاد=عن اصل القبيله جاك ردي على هونه
انا من بني خالد جناحي عريب اجداد=وربعي على حوض المنيات يردونه
ولي عزوة العليا وتشهد لنا الاشهاد=على فعولنا في العصر الاول ومن دونه
حمينا ترى بيض الحباري من الحساد=بعد ما وخذ ،ربعي لعشه يردونه
وانا من رجال الشعر والعز والامجاد=وانا من بني خالد وخالد تعرفونه
هو الفارس الي حارب الفرس والاكراد=مع الجمع الاول كل موج يخوضونه
وهو سيف ربي سله الله على الجحاد=والى قاد حربه صارت الناس مجنونه
ولاهو كما الفريس عنتر ولد شداد=يقود المعارك مير نيته ملعونه
ولاشك حرب بالصحابه علم وجهاد=علشان دين الله في الارض يعلونه
ولي الحق بافخر به من الجد والاحفاد=مدحه الرسول وكلمة الحق مصيونه
واصلي واسلم عد ما زمجر الرعاد=على المصطفى وانتم بعدها تصلونه

صح لسان الشاعر عبدالعزيز

ويعطيك العافية على نقلها ..


تحياتي

ويا ناشدٍ عني ليا صرت نشاد=عن اصل القبيله جاك ردي على هونه
انا من بني خالد جناحي عريب اجداد=وربعي على حوض المنيات يردونه
ولي عزوة العليا وتشهد لنا الاشهاد=على فعولنا في العصر الاول ومن دونه
حمينا ترى بيض الحباري من الحساد=بعد ما وخذ ،ربعي لعشه يردونه
وانا من رجال الشعر والعز والامجاد=وانا من بني خالد وخالد تعرفونه
هو الفارس الي حارب الفرس والاكراد=مع الجمع الاول كل موج يخوضونه
وهو سيف ربي سله الله على الجحاد=والى قاد حربه صارت الناس مجنونه
ولاهو كما الفريس عنتر ولد شداد=يقود المعارك مير نيته ملعونه
ولاشك حرب بالصحابه علم وجهاد=علشان دين الله في الارض يعلونه
ولي الحق بافخر به من الجد والاحفاد=مدحه الرسول وكلمة الحق مصيونه
واصلي واسلم عد ما زمجر الرعاد=على المصطفى وانتم بعدها تصلونه


صـــــح لــــــــــــســـــــان شــــــــــــــــــاعــــر الـــجنـــاح

صح لسان الشاعر

وهو سيف ربي سله الله على الجحاد=والى قاد حربه صارت الناس مجنونه
ولاهو كما الفريس عنتر ولد شداد=يقود المعارك مير نيته ملعونه
ولاشك حرب بالصحابه علم وجهاد=علشان دين الله في الارض يعلونه
ولي الحق بافخر به من الجد والاحفاد=مدحه الرسول وكلمة الحق مصيونه
واصلي واسلم عد ما زمجر الرعاد=على المصطفى وانتم بعدها تصلونه





صح لسان الشاعر عبدالعزيز ,, ولاحرمنا تواجدك وعطاك
سِر على الدرب الصحيح فانت المَثل يضرب بك فلا تحرمنا منك