منتديات الجناح منتديات الجناح
شبكة افنان للفنون الرقمية

الموقع الرسمي للشيخ عبدالرحمن السعدي .. رحمه اللهضع اعلانك هنا بالجناحابتكار هوست لإستضافة المواقع
فن المناسبات للاحتفالاتركن العربية لمواد الكهرباء والسباكةورشة الخليف لصيانة السيارات وقطع الغيار

العودة   منتديات الجناح > الأجنحة الشعرية والأدبية > جناح الشعر و الموروث

إضافة رد
 
أدوات الموضوع انواع عرض الموضوع
#1  
قديم 07-03-2004, 12:23 PM
بندر
مؤسس
بندر غير متواجد حالياً
لوني المفضل Cadetblue
 رقم العضوية : 18
 تاريخ التسجيل : May 2002
 فترة الأقامة : 5459 يوم
 أخر زيارة : 03-11-2013 (07:29 PM)
 المشاركات : 9,383 [ + ]
بيانات اضافيه [ + ]
Red face



<div tag='font="Times New Roman,4,black,bold,normal" bkcolor="transparent" bkimage="./html/backgrounds/16.gif " border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
بسم منزل الأعراف والطّور والفرقان= جعل محكم الآيات في محكم سورها
تباركت يالرحمن يالمعطي المنّان= وباسمك بديت أبيات شعرٍ مصادرها
من الهاجس اللي لا انفجر كنه البركان = يذوّب صخور الأرض ويرمّد أخضرها
ولامن تنهّد فاح فوحه كما الدخّان = من علوم صدرٍ قام يكثر تسعّرها
ولامن تهيّض للشّعر مايجي عجلان = يصفّ المعاني صفّ ثم يتخيرها
فلا يانديبي فوق خطّافة الأعيان= لها صورةٍ بالشّعْر ما احدٍ يصوّرها
لطيّ الأراضي جهّزوها هل اليابان= وجت مثل ما أرادوا وزادت تبخترها
بعد جمّعت بأوصافها الجيب والسيدان = أنا ما هقيت أحدٍ يبا يجهل جررها
عليها نديبي يسرح الصبح من شامان = قبل ماتبين الشّمس والأرض تسفرها
من أرض القويعية سرح لأجل شانه شان= وللعاصمة وجّه ذلوله وسيّرها
عطيت النّديب الخطّ وإلا ترا العنوان= يعرفه كمنّ الشمس ماعين تنكرها
توجّه لدار معزّب الرّبع والضيفان = سليل الرّجال اللي فَخَرْها من سيرها
توجّه لدار الشيخ و اقلط معه يافلان = وبلّغ سلامي والتحيات كررها
تحيّات فيها المسك والشيح والريحان= وبالورد والكادي ثناها معطّرها
وبعد ما تسلّم لي عليه أعطه القيفان = وقل له : ترا هذي القصيدة محررها
محمد ولدغشّام وأصله من الجنحان = وقل :ماعليكم زود،والقاف صدّرها
لشيخ البديدة طير حوران ابن حوران = وشيخة بني خالد بقت في عريعرها
وهو خالد السرحان ابن نايف السرحان= أمير الخوالد حَضْر وضعون وأشهرها
كريمٍ كما الهدّاج للبدو والحضران = ذهينٍ فهيمٍ والمعادين يقهرها
سلالة رجالٍ حكمها فالجزيرة بان = ميات السنين ومااحْد يقدر يقهقرها
رضت ورضخت للواقع الترك والسلطان = بعد عجزت تزيح الخوالد عن ديرها
وعجزت تناوشهم يد الحَضْر والبدوان= ياكيف يتناوش طايل القوم قاصرها
بني خالد اللي كلما ميّل الميزان = رسوا مثل ما ترسي البسيطة عناقرها
لهم دولةٍ تدري بها الترك و الرومان = وأبفخر بها وأذكر طرف من مفاخرها
ضناهبس حبس الدارعن طمعةإنس وجان= ما احد غيرنا بيض الحباري يحيّرها
من عمان إلى عمّان مع نجد و الصمّان = من السِّيف إلى قلب الجزيرة نسيطرها
علوم الخوالد فعل ،ماهي قلم ولسان = علوم الخوالد تتعب اللي يزوّرها
علوم الخوالد كيف يطرا لها النسيان = ومن يدّعي نسيانها غصب يذكرها
بدا حكمنا باللي لهم هيبة وسلطان = بدا بالجبور اللي هل الدين تشكرها
حموا ديرة الإسلام عن سربة الصلبان =تجيها الأساطيل الكثيرة ونحشرها
من البرتغال جيوش تاتي بلا حسبان= لَكَنَّ الخوالد بالمراهيف تحصرها
ويا كمّ راهب طرْح راسه عن الأمتان= يحسْبَ الجزيرة تحتري له ينصّرها
ولو يعلم أنّه تحتري شوفه الظفران = تراجع على صلبانه العوج يكسرها
لَكَنَّ الله أرسلنا كما الموت للرهبان = والأقدار ما تقدر تخالف مقدّرها
وياكم ردّينا النصارى عن أرض عمان = بحدب النّمَش ماهوب بأموال نهدرها
100عام وأكثر ، دولةٍ تحكم البلدان= وتنحّت ولكنّ أختها جت على أثرها
وعمر أختها قرنين،وجا جمعها وكدان: = ثلاثة قرون ، وربّي اللي معمّرها
بدا حكمها زامل ، وهو مخْلي المرحان = صميدع ونيبانه لخصمه مكشّرها
زحف للدواسر و آل عايذ على الغدران = بجيشه وحاز الدّار وأستاق أباعرها
وجاها بواديها وراضته بالذيدان = وبالخيل والأموال حتّاه يعذرها
وصبّح على العتش الفضول ومن الدمّان= ماعاد تعرف ويش أخضرالأرض وأحمرها
وأباد الزّعوب ومن فزع من هل الزبلان =تبي تفزع ودارت عليها دوايرها
وغزا سبيع و آل مغيرة وخذهم كحيلان = وطفّى منايرها ولا نار نايرها
وبعده حكم سيف ابنه الفارس الطعّان = وجيهٍ يهللها و وجيهٍ يمعّرها
وأخوه أجود المعروف كاسرجيوش إيران = وتَعَرْفه ديار الخرج وإيّا دواسرها
وهو اللي لفَتْه آل المغيرة تبي الغفران = وياكمّ زلّة و أجود القرم يغفرها
ونشر سنّة آخر مرسلٍ بآخر الأديان = نشر سنّة المختار في هجر وهجرها
وهو في ثواب الخالق المعتلي طمعان = وعساه بجنان الخلد مغموس بأنهرها
وبعده ولده محمد على الوغى شفقان = دروبٍ يسهّلها ودروبٍ يوعّرها
وجا بعدهم مقرن وهو كاسر العدوان = هو اللي حمى سيف الجزيرة وسوّرها
وأغاث الشريف بجيش مثل الرّعد دنّان = ونصرسربة الأشراف مقرن وصاهرها
وكسرمن جيوش الروم أساطيل ماتنهان= حمى ديرة الإسلام لأنه غضنفرها
مجاهد معاهد واثقٍ بالله الرّحمن= شهيدٍ شرى الجنّة بنفسه ودوّرها
وذبحنافدى لمقرن ملك هرمزٍ طوران = هو الشاه شاه الفرس ثم عوّد أحقرها
وبعده حكم عمّه علي وأوقد الضيّان= وإذا قربت العدوان ، بالسّيف شطّرها
وبعده حكم ناصر حكيمٍ وسيع بطان = و ناصر ثلاث سنين بالدين ناصرها
وبعده حكم قطن المسمى بحدّ الزان = ربوعه تنام بخير وعداه يسهرها
و قطن أحتمى الدولة بسيفه وبالحيطان = وبعده غصيب اللي حكمها بأواخرها
لكنّ الخوالد طبعها توفي الديان= تفرّ وتكرّ وتنحر اللي يناحرها
وشاعر بني خالد قحص وأعلن الإعلان= وجتْه الشيوخ اللي الزمن ما يغيّرها
ولفى الشيخ براك الغرير ومعه خطلان = الأيمان قومٍ مرهفاتٍ شواطرها
و برّاك هجّد جيش دولة بني عثمان = وفرض نفسه بسيفه على الترك وأجبرها
تهوّن عن مناطحْه فالبحر والبرّان = كمنّ البحر ربعي حمته ببواخرها
و برّاك مابه شك ناره على النيران = له أفعال لو كانت لغيره تكاثرها
قطع راس أمير المنتفق يوم حكمه زان = وهو راشد بن مغامس أقوى عناترها
وأمير الظفير أسير عنده بلا جحدان = سلامة بن سويط المحابيل جرجرها
ونازل بني سهل برماح ونصى قحطان = على الحرمليّة وأعترك مع جحادرها
وشاعر تميم الشاعر الماهر رميزان = مدح فعل برّاك بهناديب سطّرها
وجا محمد بن غرير وأعطى الديار أمان= ولن عاندته النّاس هجّد مثوّرها
مثل مافعل بالخرج في سربة العثمان = ومعها الفضول ومن فزع يوم خسّرها
وكسرسربة العسّاف مع سربة النبهان = بحاير سدير وعادة الشيخ يمخرها
و سعدون بعده شدّ محزَمْه ، أبد ما لان= وشاعره راعي البير قيفانه أظهرها
أخذ زعب في هيّة و ودّب هل العصيان= و فالحجرة جموع الظفيري محجّرها
و بترا نفود السرّ تشهد نهارٍ ثان = به فضول وجموع الظفيري تضافرها
وشال المدافع وسط جيشه عيان بيان = ودكدك بها آل كثير واللي يقاصرها
وبعده عليّ أخُوه ثمّ أخْوه سليمان = وهواللي مع الحكّام من قبل سعّرها
تحسّب حسابه نجد واللي بها سكّان = وعان العيينة يسمع أمره معَمَّرها
وبعض العرب ظن العرب تعبد الأوثان= وقومٍ تجي ضده على الفور كفّرها
وبالفعل هذا زاد فأهل الطغى الطغيان = وبالفعل هذا عن مقاصدْه نفّرها
وجا راعي الهدلا عريعر وهو المزبان = وإذا صرّت العدوان هو فاتق صررها
هو اللي غزا الدرعية وهدّم السيسان = ولا تصمد السيسان لاجت قنابرها
وهواللي تواعد مع رجال من أهل نجران = وفكّ الله أقوامٍ نصاها وحاصرها
قبل مايجي خطّوا على الطّرس بالكتمان = مع المكرمي واستخلص القوم ماكرها
وبعد ما اكتفينا منهم وشامت العقبان= مشينا وعذاراها تمشّش عبايرها
وبوقته مناخ العرمة مشيّب الولدان = بوادي الجنوب تريد تشمل وحدّرها
وفي وقته بجيشه خذ بريدة القصمان = وبه ناس ياسرها وناسٍ يوسّرها
وجا بطين ولد عريعر ونازل العربان = وبعده دجين أخوه وأذكى منايرها
و سعدون ولد عريعر اللي كما الشيهان = ليا هدّ بالحاله دما القوم نثّرها
و فالعتش قوم الوشم و سدير مع ديقان= تلاحم بن عريعر مع القوم وأعثرها
و وصلت كبار الرّوس ماهيب فالذّرعان = والأبيات ما تحتاج قولٍ يفسّرها
وجيش الخوالد لاوطى مارجع خسران = وياكثر ناسٍ في ضحى الكون ناسرها
وفي عيون الأحسا جيشنا فرّق الخلاّن= وخلّى هل الدرعيّة تبكّي عترها
وقدّامنا اللي ترتجف منهم الأبدان = ومن قابل الحكّام صعبٍ يناورها
وفزعنا مع جديع بن هذّال بن حبلان = وناسٍ نجسّرها وناسٍ نسجّرها
وإذا حامت صقور السّما تقصر الغربان= كمنّ الصقور لها صقورٍ تصاقرها
وجا دويحس بن عريعر مروّع الأذهان = وبوقعة سويقة خاف خصمه وغادرها
بعد غادر الميدان خصمه وهو مشتان= وهوّن عن دروبٍ من أوّل تجاسرها
وسبب وقعة غريميل لأهل العقول يبان = ما فلّ الحديدة غير شيٍّ يناضرها
وهي خطّةٍ يقصد بها طيحة العمدان= ألا ما أخبث علوم الخديعة وما أقذرها
وجا أخوه زيد اللي كريمٍ كما الهتّان = والأوضاع مشحونة بشيٍّ ينغبرها
و برّاك بعده لاضرب يضرب النيشان = والأفعال يظهرها ولاهوب يضمرها
ولاهوب من قوم الردى والقشر خجلان= يعسف الروافض عسف ماشاف خطّرها
وعزالله أن حكمه بهذي الصّفة مزدان = وخل الروافض تستغيث بجعافرها
وعلىأرض اللصافة ناطح بجيشه السبعان = و فالشّيط أهل نجد العذيّة وفاطرها
وجا ماجد بن عريعر الفارس وسرعان = ماثوّر على العدوان حربه ودهورها
و ماجد مدحه القرم شيخ عنزة مشعان = بقيفان من جزل البحور ومن أغزرها
و ماجد مدحه الشاعر جريس بن جلبان = بعد ما قيوده ما لقت من يفزّرها
ونهار السبيّة مثل ما أنّا نعين نعان= وعدواننا في نصرها الشكّ ساورها
وجتنا القبايل سبع كنْها جيوش ألمان= طوابير تملا الشوف تحت أمر هتلرها
وصار اجتوال الخيل هو سيّد الميدان = ولا عاد يوحى إلا مهابد حوافرها
والأرواح والأرماح كنْها دلي وأشطان = وهذا يورّدها والآخر يصدّرها
وقلنا:ارحبي يالحرب كلّش ولا الإذعان = وموت المعزّة خير للّي يقدّرها
كذا العزّة العليا غريبة على الرّديان = وحنّا أهْلها يوم ان عدانا تقاصرها
وعجاج الرّمك طيّر كما ديمة و ودّان= وفي ساعةٍ عوّد حمرها كما أسمرها
عليهم تجمّعنا وكلْ زينٍ لهم شان= وأحطناهم سوات المعاصم وأساورها
ودنياك يا ابن آدم لها أشكال ولْها ألوان = ومن عاين أزينها فلا يامن أودرها
ومنّا الرّكب لامنّ ناطحته الرّكبان = ثبت وأعتلاها بإذن ربّي وبعثرها
سوات العوارض يوم جا خصمهم فرهان = ثلاثة رجالٍ قدْمها اللي يدثّرها
وصدّت عداها بضربٍ يواسي النّقيان= يالين ذلفت عنها العدا وقطْع دابرها
ومثل ماحصل في مريخ مع سربة العجمان = ولا به عصى إلا يخلق الله شاقرها
وجمعٍ من المرّة تحت شيْخة جهيمان = ذبح شيخه ولاهوب تالي خسايرها
ومقاماتنا معروفةٍ ما جهلها إنسان = رجالٍ تلحّق شوفها تطرح غترها
ومواقيف ربعي راسياتٍ مدى الأزمان = فياجاهل اعرفها وياناسي اذكرها
ليا النّصف راح أرباع والرّبع راح أثمان = حرار الخوالد ماتزحزح نوادرها
شديدين لو ناطى على الأمعز الصوّان = شظاياه تقدح يوم تشبح تطايرها
ويسير الجمل ماهمّته كثرة القردان = فعولٍ عرفها من يجاور مجاورها
ذكرت الملوك فكيف عاد أذكر الفرسان = يبا يتعب اللي راد بالشّعر يذكرها
كما مدفّن الحيين وإلا البطل شامان = أو القرم ذبّاح العرافه ومذعرها
أو اللي يقطّ الرّوس في ريع أبا الجرفان = وهو جراش ابن شعلان فالوشم بتّرها
وذي نقطةٍ من بحر للي لها ظميان = ولا أنا بعجز أسرد فالأقوال وأمسرها
ومن أوّل وإلى ذا الحين فينا من الأعيان = رجالٍ تعلّت ورفعتها محاضرها
وإذا عوّدت للشّعر حنّا هل الأوزان = لنا به قسم من خير الأقسام وأوفرها
كما برغش و جبر بن سيّار و حميدان = فحولٍ تجيب من أيسرالقاف وأعسرها
و زيد الخشم و مصيول وشاعر الرّبحان = مهنّا أبْوعنقا اللي للأتراك كدّرها
وذي نبذةٍ عن سالف العصر والأوان = ولا أطنبت لأنّ الناس تعرف معاصرها
وإذا عوّدت للحرب حنّا هل الأكوان = ويا قلّ هيّة في ضحى الحرب نخسرها
وإذا عوّدت للعزّ ما خالديٍّ هان = وإذا جت بوادر شرّ جينا نبادرها
وإذا عوّدت للدين حنّا هل القرآن = وخير المساجد عارفتنا منابرها
إمام الحرم منّا وهو العالم اليقظان= ولا يُجْهَل ابن حُميد منْور دياجرها
و حمود بن عقلا للسفينة كما الربّان= سفينة فتاوى الدين في غبّة أبحرها
ولا أنسى العمر ناصر ولا مفتي الشيشان = يجاهد جهاد الحقّ والنفس ينذرها
أبوعْمَر سليل السيف راسي كما ثهلان = تشاورْه ربعه فالجهاد ويشاورها
ولا أنسى فَخَرْنا العالم المعتبر سلمان = ابن عودة اللي جرّة الحقّ يبصرها
مشايخ على روس الخوالد كما التيجان = وبه غيرها وأطلب من الله يكثّرها
وأنا مدْمنٍ حبّ القبيلة وأزيد إدمان = والإدمان ذا يحيي العرب ما يخدّرها
وأبفخر بربعي صبحٍ وليل ومسيّان= ماهي عنصريّة يوم أعدد عناصرها
لها أربع طعش ركنٍ ولا تفرق الأركان = وترا الدّار ماتثبت بليّا عوايرها
من أركانها آل حُميد وأكرم بهم شيخان = هم شيوخناوأرفع بهاالصوت وأجهرها
وركن الجبور إن صار سيف وقنا وعنان = عداها تجيها كسرةٍ ما أحْد يجبرها
وركن الجناح للابتي كنّه الجنحان = ولا حام حرٍّ دون جنحان يشهرها
ومن أركانها دعومٍ دعايم ظفرها متان = دعومٍ جميع القوم بالحيل تحذرها
وركن السّحوب ونعم ياسربة السحبان = سحوبٍ تذيّر ما به أحْدٍ يذيّرها
ومن أركانها قومٍ بقاصي الزّمن والدّان = شبلةٍ نهار الكون ماعاش زاجرها
ومن أركانها اللي للقبيلة كما النيبان = صبيحات خاب اللىضحىالكون شاجرها
وركن العماير فعلهم مايبي برهان = ما خابت قبيلة و العماير عمايرها
وركن العمور اللي ماتحتاج لأي أعوان = تضد الضديد وماتبي من يناصرها
ومن أركانها قومٍ لهم صولة وسفطان = قرشةٍ ياويل اللي تنوشه بواترها
ومن أركانها ركن المطر واثق البنيان = وبالموت الأحمر جملة عداه يمطرها
وركن آل مقدام الصناديد لامن حان = وغى ، هم ترا فرز الوغى هم كواسرها
ومن أركانها قومٍ لكفّتهم الرجحان = مهاشير تكسرخصمها لو طغى وأرها
ومن أركانها قومٍ نهار الوغى شجعان = بني نهد لاجا الهوش تدفر مدافرها
و بني خالد لْها عزّ ما جابه الخذلان = خَذَتْه بخناجرها ماهوب بحناجرها
ولامن تصاغر لابتي واحدٍ خبلان = فنجوم السما للّي مايدري يتصاغرها
قبيلة مهيلة راسية كنّها الضلعان = وإذا باحرت ما أحدٍ من القوم باحرها
هم أهل السموت وهم كبارالبخوت وصان = سيرها مع الأيام عزٍّ يعمّرها
ولو قمت أفاخر ما كفتني 100 ديوان= لَكَنَّ أختصرت القاف والله ميسّرها
أبرضي بها الراضي وأبزعل بها الزّعلان= وأبقهر بها اللي غرّ نفسه تكبّرها
وترا النّخلة العوجا ، ولو هي من البستان= رطبها يروّح ما انتفع منه باذرها
وترا الكامل الله والبشر طبعها النقصان = ويامال الشحم زلّة ولد عمّك استرها
ولاهمّني لو زوّد الغلّ فالحسدان = عساها تعذّب مع هواجس ضمايرها
ولابط كبدي غير فرّاقة الإخوان = ياليت الهروج العوج عنّا توفّرها
تعاف الرّطب وتدنّق تفتّش الحيضان= وتفرح وتملا من حشفها محافرها
وتولّف هل التوليف وتطمّر الجرفان = كُتبْ زين مظهرها لَكَنْ شين جوهرها
ومن هبّ وإلادبّ يكتب وبالمجّان = تجيه الكواغد والماتٍ محابرها
وشتّان بين أصابعك في يدك شتّان = ولاهو بطايل لو بغى الطّول خنصرها
ولايجحد الأفعال غير الرّدي الغلطان = وقبايل جزيرتنا مانجهل عشايرها
من السِّيف إلىالسِّيف ومن طريف إلىجيزان = ومن ربعها الخالي ليا حدّ عرعرها
وكلٍّ له فعوله ولا للعرب حقران = على الطيب تخشرنا عليه ونخاشرها
وليس الفتى من قال: كانوا لنا جدّان =إذا كان مايتبع خطاها بحذافرها
وزمان الجهل ولّى وقفّى بلا رجعان = وصار الوطن شَجْرة طريّاتٍ أثمرها
وصرنا وقبايل نجد غصنٍِ من الأغصان= وعلاقاتنا بالدولة متان أواصرها
وكنّا أفقر أهل الأرض دنيا لكنْ سبحان= إلهٍ بنفط الأرض عوّد بنا أتجرها
وعسى الله يطوّل عمركم يا بني مرخان =على خدمة الأمة ورفعة تطوّرها
وألا وش تساوون ونساوي بدون إيمان = وكم دولةٍ يحفر لها القبر قيصرها
وعسى من يكيد لديننا ينحشر عميان = وكم حفرةٍ ماطبّها غير حافرها
وعسى الله يجنّب عن بطانتكم الخوّان= ويقرب لها ناسٍ سليمة بصايرها
وعفناك يادنيا الفنا اللي بلا ثبتان = تقلّب كما الأقداح في كفّ ياسرها
وترا العبد ماتنفعه كَنْزَتْه للذهبان= وحتى إيش لو كبرى القناطير قنطرها
وخذ لك عظة ياللي بدنياك ذي نشوان= تَعَيَّن عمايرها وعاين مقابرها
وترا العزّ فالتقوى وفالعلم والإحسان= ولافرق مابين أسمر الخلق وأشقرها
وعلى ويش يا اللي من ورا دنيتك لهفان= شوي وعظامك دابي الدود ينخرها
وترا العبد لامن طرح في داخل الأكفان = فلاتنفعه نفسه وزَمْرة تفاخرها
ودام ابن آدم مسلمٍ مخزي الشيطان = ونفسه ليا رادت خطى الشر يدحرها
فهذا الذي موعود جنّات ذات أفنان = وربّك ليا واعد مخاليقه أقررها
وعساني بهذا القاف فتّحت لي بيبان = لشعّار ربعي لأجل تُظْهر مشاعرها
أقوله وأنا ماناب في موقفي بحلان = وماكلّ شاعر لابغى القاف يصخرها
وبإمكان ابن غشّام زودٍ على ماكان= لَكَنْ بعض الأشيا بالخدارة مخدّرها
وترا الفضل كلّه لله الخالق الديّان = بدعت البيوت اللي ينومس تواترها
وتالي كلامي عدّ ما سالت الوديان = وعدد من لفى مكّة وطاف بمشاعرها
صلاتي على المختار ذروة بني عدنان = على المصطفى خير المخاليق وأطهرها
</div><script>doPoetry()</script>


(200 بيت)
للشاعر/ محمد الغشام



 توقيع : بندر

The best for the best

رد مع اقتباس
قديم 07-03-2004, 12:58 PM   #2
بندر
مؤسس


الصورة الرمزية بندر
بندر غير متواجد حالياً

بيانات اضافيه [ + ]
 رقم العضوية : 18
 تاريخ التسجيل :  May 2002
 أخر زيارة : 03-11-2013 (07:29 PM)
 المشاركات : 9,383 [ + ]
لوني المفضل : Cadetblue
Wink



<div align="center">صح لسان الشاعر /محمد الغشام

قصيدة عظيمة ورائعة الوصف ويعجز اللسان عن وصفها

هذي قصيدة جديدة للشاعر محمد الغشام الله يستر عليه ويحفظة...
</div>




 
 توقيع : بندر

The best for the best


رد مع اقتباس
قديم 06-04-2004, 03:55 AM   #3
السامر
عضو مميز


الصورة الرمزية السامر
السامر غير متواجد حالياً

بيانات اضافيه [ + ]
 رقم العضوية : 332
 تاريخ التسجيل :  Oct 2003
 أخر زيارة : 03-11-2005 (09:26 PM)
 المشاركات : 153 [ + ]
لوني المفضل : Cadetblue
افتراضي



صح لسان الشاعر انشهد انها اسم على مسمى


 
 توقيع : السامر


<div align=\"center\"></div>


رد مع اقتباس
قديم 17-04-2006, 11:18 AM   #4
العنود
عضو مميز


الصورة الرمزية العنود
العنود غير متواجد حالياً

بيانات اضافيه [ + ]
 رقم العضوية : 1854
 تاريخ التسجيل :  Feb 2005
 أخر زيارة : 10-06-2008 (11:21 PM)
 المشاركات : 4,436 [ + ]
لوني المفضل : Cadetblue
افتراضي



صح لسان الشاااااااااااااااعر

لي فترة ادور على ذي القصيدة ولقيتها الحمدلله

شكرااااااااااا


 

رد مع اقتباس
قديم 17-04-2006, 11:34 AM   #5
بندر
مؤسس


الصورة الرمزية بندر
بندر غير متواجد حالياً

بيانات اضافيه [ + ]
 رقم العضوية : 18
 تاريخ التسجيل :  May 2002
 أخر زيارة : 03-11-2013 (07:29 PM)
 المشاركات : 9,383 [ + ]
لوني المفضل : Cadetblue
افتراضي



صدقت اخوي السامر القصيدة اسم على مسمى وانشهد انها خالدة لانها شملت تاريخ ماضي بتاريخ حاضر ..




اختي العنود اولاً اشكرك على المشاركة والتعليق والقصيدة نظمت تقريبا من اربع سنوات وشاعرها من اهل القويعية من بني خالد..والقصيدة تستاهل من يبحث عنها..



تحياتي


 
 توقيع : بندر

The best for the best


رد مع اقتباس
قديم 17-04-2006, 11:56 PM   #6
القلم الحر
[ الشعراء ]


الصورة الرمزية القلم الحر
القلم الحر غير متواجد حالياً

بيانات اضافيه [ + ]
 رقم العضوية : 622
 تاريخ التسجيل :  Jul 2004
 أخر زيارة : 12-02-2014 (08:26 PM)
 المشاركات : 1,270 [ + ]
لوني المفضل : Cadetblue
افتراضي



صح لسان الشاعر/ محمد الغشام
شاعر جزل وجاب تاريخ بني خالد وعدد كل شي ما شاء الله عليه

الله يعطيك العافيه أخوي بندر على هذا الاختيار

أخوكم
القلم الحر


 
 توقيع : القلم الحر


( النقد الهادف لا يفسد للود قضيه ) @ ( مجاملة المبدع طريقة للفشل )


رد مع اقتباس
قديم 18-04-2006, 09:23 AM   #7
النجم
عضو مميز


الصورة الرمزية النجم
النجم غير متواجد حالياً

بيانات اضافيه [ + ]
 رقم العضوية : 2136
 تاريخ التسجيل :  Jun 2005
 أخر زيارة : 17-08-2011 (02:40 PM)
 المشاركات : 7,956 [ + ]
لوني المفضل : Cadetblue
افتراضي






صح لسان الشاعر / محمد الغشام


تسلم أخوى بندر على النقل

وفعلآ قصيدة جميله


 
 توقيع : النجم



رد مع اقتباس
قديم 18-04-2006, 09:29 AM   #8
بندر
مؤسس


الصورة الرمزية بندر
بندر غير متواجد حالياً

بيانات اضافيه [ + ]
 رقم العضوية : 18
 تاريخ التسجيل :  May 2002
 أخر زيارة : 03-11-2013 (07:29 PM)
 المشاركات : 9,383 [ + ]
لوني المفضل : Cadetblue
افتراضي



القلم الحر اشكرك على المشاركة والتعليق ..وفعلاً قصيدة معبرة عن تاريخ خالد..

اخوي النجم حياك الله ..

وأشكرك على التعليق..

تحياتي


 
 توقيع : بندر

The best for the best


رد مع اقتباس
قديم 29-08-2007, 09:46 AM   #9
imported_خالد السهلي
عضو جديد


الصورة الرمزية imported_خالد السهلي
imported_خالد السهلي غير متواجد حالياً

بيانات اضافيه [ + ]
 رقم العضوية : 12382
 تاريخ التسجيل :  Aug 2007
 أخر زيارة : 29-08-2007 (09:50 AM)
 المشاركات : 1 [ + ]
لوني المفضل : Cadetblue
افتراضي



السلام عليكم ورحمة الله وبركاته

فعلا تستحق التثبيت لسنين طويلة

صح لسان ابوسعد

ولاهنت يابندر


 

رد مع اقتباس
قديم 29-08-2007, 10:03 AM   #10
بندر
مؤسس


الصورة الرمزية بندر
بندر غير متواجد حالياً

بيانات اضافيه [ + ]
 رقم العضوية : 18
 تاريخ التسجيل :  May 2002
 أخر زيارة : 03-11-2013 (07:29 PM)
 المشاركات : 9,383 [ + ]
لوني المفضل : Cadetblue
افتراضي



حياك الله اخوي..


 
 توقيع : بندر

The best for the best


رد مع اقتباس
إضافة رد

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 

(عرض تفاصيل اكثر الاعضاء الذين شاهدو الموضوع : 3
االجناحي, ابو العنـــــود, بندر
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الملحمة المرتقبة .... هارماجدون NMN جناح الحوار الحُر 3 12-09-2006 01:09 AM
معلم يحّول جدران فصله الجامدة إلى وسائل تعليمية أميرة الورد جناح المواضيع العامة 4 23-05-2005 01:06 AM


الساعة الآن 10:59 AM


Powered by vBulletin®
اعلن Copyright ©2000 - 2017, vBulletin Solutions, Inc.
[ المشاركات في هذا المنتدى لاتعبر إلا عن رأي كاتبها فقط ]

Security team