وين انت يالشاعر اللي تطلب الملعبه

<div align="center">السلام عليكم جميع ياهل المنتدى
اشكر من ارسل لي عنوان المنتدى لاشارك معكم في منتدى الشعر واللي بسراحه اعجبني بالمشاركات ولقيت فيه ناس تهوى الشعر وناس تحب شعر الرد والمحاوره وانا من عشاقها وتوني في المرحله التمهيدي وعقبال البكالوريا

حبيت اشارك بهالموضوع ووجه دعوتي للشاعر ابو دجانه الجوفي او متعب او رجف او الخفاجي لاني شفتهم يحبون التحدي وانا ابجاريهم وانشاء الله نلعب سوى ونتونس على شرط يكون لعبنا مضبوط ومافيه زعل ولا نزعل اهل المنتدى وخلو الرمي في الريش ولا ياصل العظم
وتراني قابل النقد من اي شاعر وانا كذلك ابضحكككككككككككك على اللي يخطي

يالله يالشعار لاحد يختبي ويعاين من بعيد
ابو دجانه او متعب او رجف او الخفاجي استلمو

وين انت يالشاعر اللي تطلب الملعبه
.............. عطني جهدك وتراني والم ٍ بجّهدي
ما تارد البير قبل جريس ما تشربه
.............. دربي طويل وبعيد ٍ أبعد امن الجدي

اللي يقرون القصيده وهو مهو شاعر ترا حرف الجيم بكلمة (بجّهدي) عليها شده وسكون علشان تقراها قرانن صحيح أما الشاعر فهو يبا يقراها على الاصول</div>

مساك الله بالخير اخوي اهلا وسهلا فيك في منتدى الجناح وفي قسم الشعر بلأخص


وشعارنا فيهم الخير والبركه لكن اخوي لو ماخصيت الشعار كان افضل

تقبلوا تحياتي
الــــولـــــــــهـــــــــان

<div align="center">صح لسانك ياخوي جريس

وحياك الله بين اهلك واخوانك بمنتديات الجناح

والله يجزاه خير اللي دعاك وخلانا نشوف الوجيه الطيبه

وترانا بالصفوف نشيل


والشعار اللي ذكرتهم بهم الخير والبركه والله يجيبهم ان شاء الله

وأنا مع اخوي الولهان لو انت ما خصصت ياخوي خليتنا نلعب معك

أخوك
القلم الحر</div>

<div align="center"> وين الشعار وليه مافيه احد رد

حياكم الله يالولهان ويالقم الحر وما يجي منكم قصور

ودوركم يجي بالطريق خلوكم قريبين نخلص من وسيمتنا هذي ونجيكم طريقنا طويل </div>

وين انت يالشاعر اللي تطلب الملعبه
.............. عطني جهدك وتراني والم ٍ بجّهدي
ما تارد البير قبل جريس ما تشربه
.............. دربي طويل وبعيد ٍ أبعد امن الجدي

جريس كفو
الظاهر إن اللعب يبي يصير حام حيم
سجل اسمي من متابعي هالموضوع حتى النهاية

وعليكم السلام ورحمة الله وبركاته

وحياك الله بين اخوانك واخواتك اخوى جريس

الشاعر متعب التركى يوصل السلام للجميع . حيث انه غير متواجد حاليا لتواصل معكم

وعن طريق اتصال احد الزملا علم بمحاورة الاخ جريس . وهذا رد متعب التركى

ياجريس ياجريس الملعبه وف لمطلبه
وان طال دربك هات الحيل بعدى ياولدى
مفلاك وماردك قريب واللسان اقضبه
ياجريس اخطامك ياجريس اصبح فىيدى

حياك الله يا عربوج والله يحييك ويشرفن وجودك وترانا نعتز برايك

ياخوي يالنجم
حياك الله وسلمت على نقلك واخاف ان القصيده منعصده وتخلخلت وانتا تنقلها ويمكن اسلاك الهاتف مبطنجه وجات القصيده على غير ما يبغى شاعرها

تكفى ردها له وخله يراجعها وكان قال هذي هي ما عليها ملاحظه عز الله اللي تنومسنا

عجل علينا

رد الأخ متعب على الاخ جريس

ياجريس ياجريس الملعبه وف لملطبه
........ وإن طال دربـك هـات الحـيـل ابعـدي يـاولـدي
مفلاك وماردك قريّب واللسان اقضبه
........ياجريس اخطامك ياجريس اصبح ترى في يدي

صحيح ياجريس فيه خطا مني وتم تعديله وشكرا .

ما يجي منك قصور يالنجم

ومافيه زعل يالجماعه وأنا قايل اني ابضحك
ههههههههههههههههههههههههه
هههههههههههههههههههههه
ههههههههههههههههههه
هههههههههههههههه
هههههههههههه
هههههههه
هههه

واستلم ياالشاعر متعب

لا تحسب اني مصارع جالسٍ في حلبه
.............. كل من نطحني يجرب صفعتٍ من يدي
لاحض بيوتك ورتب كثرة العذربه
.............. والنجم نجمٍ ولا اظنه رفيقٍ ردي

<div align="center">تبدو المحاورة رائعة وشيقة وفي روعة شعراء المنتدى اللذين نفخر بهم ولكن ..!!
لماذا يتوارى الشاعر متعب ?
ويلقي بمسؤولية النقل .. ويُعين النجم مراسل له ?
نُريدها حية على الهواء ..من القلوب وليست من خلف القضبان !!
نُريد ان نرى شعرا ونستمتع به .. نُريد بأن نرى محاورة الكبار كما تعودنا منكم
ويبدو ان جريس في الملعبة بدون مواجهة !!</div>