الله من قلب ٍ غدى منك نصفين

هذي قصيده من قريحة شويعرنا جاه حتسي البارح ضيق صديره
وبطح هالقصيده

<div tag='font="Simplified Arabic,5,blue,bold,normal" bkcolor="transparent" bkimage="1" border="none,4,gray" type=2 line=200% align=center use=ex length=0 char="" num="0,black" filter=""' style='display:none'>
الله من قلب ٍ غدى منك نصفين = نصف ٍ يحبك بين هزلك وجدك
والنصف الآخر يطلبك تقضي الدين = دين الجروح اللي سببها مردّك
كل الكلام اللي وصل يوم الاثنين = ماجيت ارده لو تعديت حدك
لكن بقول انك على الراس يازين = والله يعين اللي يعذَّب بصدك
والله يعين الي غدى بين نارين = وده يبيعك وأجذبه نور خدك
ان كنت بايع عشرتي ياريش العين = مافيه داعي تجرح اللي يودك
ومافيه داعي تجرح القلب وتهين = عذبتني مابين جزرك ومدك
اقصر كلامك واغلب الجرح باللين = وداو الجروح اللي دواها بيدك
وارفق بحال اللي غدى منك نصفين = وارحم دخيل ٍ بين الاجواد عدك

</div><script>doPoetry()</script>

الشعوير / خوي الليلي

الله يعطيك العافيه أخوي الليلي

صح لسانك ولسان خويك اللي عجزنا نشوفه عسى الله يامره ونشوفه يشارك معنا , قصيدة رائعه وعسى الله لا يضيق صدره ان شاء الله ابد <<<--- (وده يقول الله يضيق صدره دامنا نبي نشوف هالقصيد الزين) ... الله يوسع صدره بالصحه والعافيه وياك ان شاء الله ولا تحرمنا من قصيدك انت وانا اخوك ترانا ما نستغني .

لكن بقول انك على الراس يازيـن
................. والله يعين اللـي يعـذَّب بصـدك
لو حط بدال كلمة يازين حط العين يعني يصير البيت
لكن بقول انك على الراس والعين
................. والله يعين اللـي يعـذَّب بصـدك
أتوقع يصير أزين مع انه كذا زين بس هذي زود فلسفه مني ومنك ياخوي ومن خويك انتعلم والله لا يحرمنا مشاركاتكم وابداعاتكم لاهنتو .


تقبل تقديري واحترامي

أخوك
القلم الحر

تكـ .. تكـ ,, فنـتـاسـتـك


قصيده جميله بأحساسها

============
!!
لكن بقول انك على الراس يازيـن
والله يعين اللـي يعـذَّب بصـدك

يعني كل هالحتسي اللي جاه ويقول انه على الراس !!

مشاءالله عليه ياوسع صدره وطول باله
:

اهنيك على هالخوي ... :)
:
...
الليلي
اسلم وسلم,,

وصح لسانه

-----

القلم شلون يتقول العين وهو قايلها قبل تسذا يصير ايطاء ويكرر القافيه

الليلي

الظاهر انك من اهل عنيزة تدري ليه ؟



لأنهم من اقوى شعراء المملكه بس مايعطون انفسهم حقها


القصيده كلها جزاله وفن وعذوبه



صح لسان اللي قايلها وان كانه انت صح لسانك الى الابد :)

صح لسانك .. ولسان خويك


قصيده رائعه لا هنتو على النقل والكلمات الحلوه


تحياتي

صح السانك ياشاعر

والبيت كذا احسن من العين
لكن بقول انك على الراس يازيـن
والله يعين اللـي يعـذَّب بصـدك

أخونا الغالي ------------الليلي ...............بعد التحيه والتقدير ..........

بكل صدق قصيدة أكثر من رائعة......... لك الشكر والتقدير على هذا الذوق الأكثر من رائع,ويكفي الأستشهاد بالبيت الذي يقول فيه..................

إن كنت بايع عشرتي ياريش العين
----------------------------- ما فيه داعي تجرح اللي يودك

لا تحرمنا من جديدك ...............وتقبل تحياتي,,,,,,,,,,,,,

صح بدنك اخوي القلم الحر ولا عدمنا ردك البناء اما بنسبه انه تكون على الراس والعين بدل يازين مكرره العين مايصلح تجي مرتين

الحروووشه صح بدنك ... ايه تخبرين الزين مايطيح الا بالزين


احمد السكران يا هلا بشاعرنا .. ايه من اهل عنيزه .. ليتك تسير علينا

وصح بدنك


الولهان صح بدنك ولاهنت


جريس صح بدنك وشاكر مرووورك

صحاري هذا من ذوقك وشاكرك على مرووورك