عرض مشاركة واحدة
قديم 09-04-2009, 01:32 AM   #7
عاشقة عنيزة
عضو مميز


الصورة الرمزية عاشقة عنيزة
عاشقة عنيزة غير متواجد حالياً

بيانات اضافيه [ + ]
 رقم العضوية : 6693
 تاريخ التسجيل :  Nov 2008
 أخر زيارة : 05-09-2009 (12:21 AM)
 المشاركات : 449 [ + ]
 التقييم :  10
لوني المفضل : Cadetblue
Talking رد: جرائم ..... الطفولة ......



ياهلا ومسهلا


كازنوفا عنيزة

وياهلا بكل أخ تمساح يشارك معنا بجرائمه

بس الحمدلله ماني ولد عمك

ياخوي الله يهديك وش هالحماس الزايد

إنت ماتعرف إن في التأني السلامة وفي العجلة الندامة
مسوية برنامج قف على غفلة

أهم شي الحمدلله على السلامة
ولاعاد تتعودله

أما أنا سويت الهوايل

بس الموقف الي دايم أتذكره وأحس بتأنيب الضمير لاتذكرته
خليكم مع احداثه

كنت سنه ثاني إبتدائي وأختي الكبيرة في الثانوي
المهم كنت أخذ ريالين مصروفي وهي الضعيفة تاخذ ريالين
طبعا يوم كان الريال وقتها يسوى

عاد أختي الظاهر فيها عرق سوري وإلا لبناني كانت
تاخذ مصروفها الضعيفة وتجمعه وتمر الأيام والأسابيع
والشهور والريال يتلوه الريال وريال على ريال بدأت الثروة تتجمع الى أن اصبحت ميتين ريال
يعني تو هندرد

الزبده من السالفه ذي إن أختي كانت تحرم نفسها من ملذات الحياة علشان تجمع مصروفها وكل أملها إنها تشتري فيه كتب ومجلات

منذ مبطي ماكان عندنا دش ولاأنترنت مافي إلا مجلة باسم
ومغامرات غرنديزر

والقناة السعودية تعرض مغامرات عدنان ولينا وهايدي

المهم ياكثر ماقلت المهم



كان عندنا حفلة بالمدرسة وقلت لأمي أبي عشرة ريال
بس إنها الله يسلم قلبها ماعطتني إلا خمسة ريال وقالت
مافي غيرها طبعا أنا ماعجبني الحال وضاق صدري وخصوصا إني كنت ناويه أباشر على زميلاتي بالمدرسه

وفكرت وفكرت وفكرت

وتذكرت الكنز اللي في في شنطة أختي وبكل برود أعصاب وبجاحه أخذت الفلوس ورحت المدرسه وباشرت على كل المدرسه وعشت حياتي وأستمتعت وفليتها وحسيت أني الوليد على غفله

ويوم رجعت البيت وشفت الإحباط اللي على وجه أختي
المسكينه وقالتلي وين الفلوس وأنا عاد أستهبل قلت أي فلوس

ومن زيني بعد جايبه كيسه كلها فشار وحلاوه مصاص وعلوووووووك

ومن قوة الصدمه أنهارت أختي وقعدت تبكي وراحت لأمي وأشتكتلها وأنا هربت عند أخوي الكبير كان مررره يدلعني
وماقدرت الضعيفة إنها تاخذ حقها لا بضرب ولاغيره

حتى مع مرور السنين ماش عجزت تنسى الموقف وكل ماتذكرته تقولي حسبى الله على شيطانك أنا كنت حارمه نفسي علشان أشتري مجلات وانتي تاخذينها بكل بساطه

بس الحمد لله ربي عوضها وصارت مدرسه وتستلم مياآآآآآت
بدل الميتين اللى أخذتها منها ضلما وعدوانا
اللهم لا حسد

وبس ياحبايبي كانت هذة الجريمه أخف جريمة أرتكبتها وماخفي أعضم





تحياتي


 
 توقيع : عاشقة عنيزة



رد مع اقتباس