منتديات الجناح

منتديات الجناح (http://www.jna7.com/forum/index.php)
-   جناح الشعر و الموروث (http://www.jna7.com/forum/forumdisplay.php?f=10)
-   -   ابن عريعر( الحبس طوّل مالفونا عربنا )-!!! (http://www.jna7.com/forum/showthread.php?t=20842)

الحروووشه 21-01-2007 12:10 PM

بسم الله الرحمن الرحيم


;s1:

اليوم قصتنا عن برغش بن عريعر من شيوخ قبيلة بني خالد وكان له مكانه بين جماعته و بين القبائل الاخرى
لكن بهاك الوقت كان حكم الخوالد بدا يتزعزع والاتراك صارت سيرطرتهم تنتشر ...
ومكانة برغش بين اهل قبيلته والقبايل الاخرى اثارت غضب الاتراك !!
لانه راح يكونون يد وحده وهالشي مايخليهم يكملون مسيرتهم !!
و بما ان الحروب كانت بينهم وبين أغلب القبائل من ضمنهم الخوالد فـ اخذوا برغش وسجنوه وصار ضمن اسراهم !!

ومن دخل برغش السجن وهو ينتظر احد من ربعه يجي ويفاوض الاتراك بالافراج عنه

لكن للاسف محد جاء <_<

وطاااااالت الايام ومازال برغش أسير !!

وتوفي وهو اسير !! <_<

لكن قبل يتوفى ترك هالقصيده الـــــرائعه


ترى من مبطي وانا موله هالموضوع بس قلت بصبر شوي غدي يبين لي علم وشوله استعجل
لكن عاد ماجانا علم</span></span>

وتقبلو اطلالتي عليكم
<span style=\'color:crimson\'>حرش رش

الولهان 21-01-2007 02:22 PM

اختيار جميل وموفق اختي الحروووشه
قصيدة أبو طلال برغش بن زيد بن عريعر:

يا الله ياخالف علينا تعبنـا
بدنيـا نجـاذبها و عيت تجينـا

صكوا علينا الباب واقفوا عربنا
وضاعت هقاوينا ومن به هقينا

لو هي عليهم كان والله تعبنـا
باموالنـا وعيالنـا مع يدينـا

يا ابن دويحس عقب هذي ذهبنا
والله ما يشرى بحـق حدينـا

سار القلم يا أبو محمد وشبنـا
واليوم مـارد الفوايت علينـا

اسباب فتح الباب سيرة سببنا
اوهام ياتي من سببهـا عدينـا

برباعنـا ياما وياما قصبنـا
من حول ضان وناب نوق سمينا

وياما على شهب النواصي ركبنا
وياما على عوج العصى التوينا

ياما على طوعاتهن قد لعبنا
وياما فهقنا روسهن وانتحينـا

بظهورهن ياما وياما ركبنـا
وكم واحد فارق هله من يدينـا

وياما على جرد السبايا ركبنا
وقلايع فوق المسارج خذينـا

وياما على ملح الفرنجي تعبنا
وياما على فرق وهيق بدينـا

وياما لجزلات العطايا وهـبنا
وياما رفعنا النفس عما عطينـا

وياما على شقر الجزاير طربنا
شقـر سماويات تنقل يدينـا

وياما بها من فرق ريم سببنا
ووعول في روس الشخانب ثنينا

وياما على زين القطايف لعبنا
وياما حـديناهم وياما حدينـا

وياما لحسنا الرشم وياما وهبنا
وياما لجزلات الوهايب عطينـا

وياما على غصن الصبايا لعبنا
نلوي على سمر الذوايب يدينـا

وياما من الشهد المصفى شربنا
من غصن غضات الصبايا روينا

واليوم من كثر الدواكيك عبنا
من كثر ما نفقد من الغانمينا

هيهات ياعصر مضى لو ندبنا
هيهات وين اللي مضى عاد وينا

حنا عمود البيت والبيت يبنى
والبيت ما يبنى بليا حدينـا

صرنا كما فرق الضحايا جلبنا
يالله يا غافـر عن المذنبينـا

ولي عجوز من بلاويك شبنا
لو ينجلي عن دارها قد جلينـا

اليوم من تعديل الأيام شبنا
وباكر نخـليها لمن مقتفينـا

ياخيبة الدنيا ولو به طربنا
ياابو محمد تقل ماشفت زينـا


اتمنى اني لقيت ماتريدينه اختي الحروووشه وانه ماجاء قصور


تحياتي

jeep 21-01-2007 04:32 PM

صح لسان الشاعر
وتسلم يمينك ياحروووشه

والله لو اني احب التعمق
في الشعر لجبتلك الي تبين ;jn16:

الولهان تسلم يمناك ;jn21:

الحروووشه 22-01-2007 09:31 PM

مشاااااء الله يمال العافيه لا والله ماجاء قصور

لو اني داريه انها بتجي بهالسرعه كان من قبل الضحيه سألتكم

بس يالولهان القصيده انت بديت فيها من اخر بيت انا كتبته
هل معناه ان الابيات اللي انت جبتها هي بعد الابيات الموجوده عندي؟

او ان الابيات اللي نقلتها لكم اصلا ماهي موجوده والقصيده كما نقلتها انت فقط بدون اللي فوق ؟؟


وبعد فيه سؤال ثاني
وين لقيتها ؟ بمنتدى والا بكتاب والا وين ؟
لاني حفيت ادورها ...

الحروووشه 22-01-2007 09:32 PM

اقتباس:

Originally posted by jeep@Jan 21 2007, 04:32
صح لسان الشاعر
وتسلم يمينك ياحروووشه

والله لو اني احب التعمق
في الشعر لجبتلك الي تبين ;jn16:

الولهان تسلم يمناك ;jn21:

تسلم ياjeep معي علم منت مقصر لو هي عندك :)
وياهلابك

الولهان 22-01-2007 11:32 PM




اختي الحروووشه هذي هي القصيده كما كتبتها لكم

ثاني شي كثير من المنتديات مكتوبه فيها هذي القصيدة
وقولتك انك بحثتي عنها ماحصلتيه اشك في هذا لأني انا بحثت بعد للتأكد وطلع لي منتديات كثيره


والله يعافيك ويسلمك وماسوينا شي



تحياتي

الحروووشه 23-01-2007 09:52 AM

اقتباس:

Originally posted by الولهان@Jan 22 2007, 11:32
وقولتك انك بحثتي عنها ماحصلتيه اشك في هذا لأني انا بحثت بعد للتأكد وطلع لي منتديات كثيره
وش بيحدني اطلب منكم القصيده ... الا لاني مالقيتها

صحيح ان نتائج البحث اللي طلعت معي تثبت وجودها يعني بضرب لك مثال

منتديات عبس
منتدى بني خالد الرسمي
منتدى الديوان

كل هذي طلع بالبحث انها موجوده ولا فتحت عليها يطلع لي قسم الشعر بشكل عام وادور بين الواضيع ماالقى

بستثناء منتدى بني خالد فتحت معي وهو اللي كاتب القصيده اطول من ذلك .............

يعني القاها بس مالقيتها كامله
عاد يوم ربي اكرمك ولقيتها كامله تقول لغيرك اشك انك بحثت ؟؟ اجل منين جبت لك باقي الابيات الاربعه ؟؟

الملافظ سعد ياولهان :)

تبيض البيضه و..... عليها :)

البدوي 25-01-2007 01:49 PM

بس بس بس ..!!

هدو الرمي الله يرضى عليكم ماتسوى السالفه

كل واحد يصلح سيارته :))))


حنا عمود البيت والبيت يبنى
والبيت ما يبنى بليا حدينـا

ياحلو بيوت الفخر لاصار فيها تشبيهات

قصيدتن جزله

وماقصرتي يالحروشه

وماقصرت يالولهان

وصحة السنتكم ولسان الشاعر بن عريعر



الحروووشه 25-01-2007 02:44 PM

البدوي :bnt10;
ياهلااااا ويامرحبااااا وينك ياخي صراحه توقعتك مت <==== بووومه ماعندها الا الفال الشين

بس فقدت تواجدك بالمنتدى

بعدين حنا مانرمي على بعض هذا يسمونه ( لعب الفطـَّرا ) كانك تعرفه ;jn17:

وياهلابك اسعدني تواجدك :)

القلم الحر 25-01-2007 10:41 PM

الله يعطيك العافيه أختي الحروووشه

قصه وقصيدة أكثر من رائعه والله برحم الشيخ برغش ويسكنه جنات النعيم ان شاء الله
والحمد لله دام أخوي الولهان جاب القصيدة الله يعطيه العافيه برده الله بالعافيه واستانستي ولا تدققون بالهرج أنتم بالحيل من وين جبته ومدري وشو بحث عنه ولقاه وأنتي تنشدينه عن اللي مدري وشو وهو يحسبك تحققين مايدري ان ودك بزيادة معلومات بس , على العموم مثل ماقال اخوي البدوي كل واحد منكم يصلح سيارته وخلصنا ... على حساب تأمين الجناح .

<<<<خارج الموضوع >>>>
أخوي البدوي الحمد لله على السلامه ياخوي وينك وش هالقطاعه عسى المانع خير ان شاء الله , ترانا مانقدر على فراقك يالغالي ومانستغنى عنك فلا تخلينا من ابداعاتك وقصايدك اللي بدون معرفة المصدر ;jn17: , تراي أمزح وعسى الله لا يحرمنا منك ولا من مشاركاتك يالغالي .

تقبلو تقديري واحترامي

أخوكم
القلم الحر


الساعة الآن 07:47 PM

Powered by vBulletin®
اعلن Copyright ©2000 - 2018, vBulletin Solutions, Inc.

[ المشاركات في هذا المنتدى لاتعبر إلا عن رأي كاتبها فقط ]

Security team