<div align="center">الغـــرب يصنع طـايــرات وصواريـخ -- والشـرق الاوسـط ضاع نفطـه بلاشـي

حطوا لهم في صفحة العلم تاريخ -- وحــنـا لـمـاضـيـنـا نـعـيـد الـنـقـاشــي

من عقب مـاكـنا جبـال شـواميــخ -- صــرنــا تـحـت حـكم الأجانب ولاشي

شــــــي يـــدوخ الــــراس تــدويــخ -- وشـلـون عـقـب الـحـر حـام الفراشـي

أقـولهـا والقلـب أقــوى من الصيــخ -- متى نشوف الحق في الارض ماشي


قصيدة الشاعر / حمود البغيلي</div>

وهذا رد الشاعر (باقي المفلح) على قصيدة البغيلي:

<div align="center">يابن البغيلي العـــــــرب بعد تـــاريخ... من قمه لقمه كلام وتمــــــــــاشي

شف هالجرايد كلها صورة الشــــيخ... والشيـخ مايسوى خسارة فلاشــي

واعلام شاطر في عروض المفاصيخ....والحر يكفــخ بين مرشي وراشـي

والا شباب من العوايد مســــــــــاليخ .... والا بنات للــــــــنصارى تماشــي

للي يقول الحق ياحمود تكفيــــــــــخ... وللي يقول الزور عز ومعاشــــــي

ارهابي اللي ينصر الدين ياشيــــــخ... والا اليهودي ياخذ ارض وكاشـــي

خلك بشعر المدح مدح الشواميـــــخ .... اللي معاركهم بكاس وفراشـــــــي

حناالعرب مابين كوره وبطيــــــــــخ... في كل ملعب تلتقينا نفاشــــــــــــــي

بننتصر ياحمود بالطاخ والطيــــــخ...كم الف مطرب سوقهم بانتعاشــــــــي

بافلامنا بنوصل الصوت للمريــــخ... وببشوتنا بنصد قصف الاباتشــــــــي

بالرقص نقدر نكتب احلى تواريــخ...مادام صرنا بين خاين وواشــــــــــــي

واموالنا ترجع علينا صواريــــــخ... وجروحنا تنزف ولا فيه شاشــــــــــي

هيا تعال نوجه لبوش توبيـــــــــخ ... ليه العرب يابوش عندك مواشـــــــي

ونحذرك يابوش يكفيك تلطيـــــــخ... لاتحسب ان الدم ضاع ببلاشـــــــــــي

حكامنا يابوش شلة مداليــــــــــخ... لكن يجونك ساكنين العشاشــــــــــــي

ناس تسمع صوتها للمصاميــــخ...ناس تموت اعراضها ماتناشــــــــــــي

يابوش صبرك لين تلقى المطانيخ... اللي يردون الذيابه كباشــــــــــــــــي

اهل الفعل يسقونك الرد زرنيخ ... اللي مع الله لازمين المماشــــــــــــــي </div>

<div align="center">شــــــي يـــدوخ الــــراس تــدويــخ -- وشـلـون عـقـب الـحـر حـام الفراشـي

صح لسانك اخوي تركي .. و عساك سالمم

تحياتي لك

سرراب</div>

[b]<div align="center">يسلم من قالها ومن نقلها أبيات كل الابيات حلوه وأوصاف رائعة</div>

أنا علقت على الأبيات هذي لأنها حلوه وأبي أرجعها للبدايه حتى يقرونها

طحياطي

رد على الشاعر البغيلي والشاعرالمفلح

عندما اتصل على بوش ابن جورج وقال يا ابو محمد نبي رد سريع على هاالشاعرين قلت ابشر والله بالرد ياابوجورج وعرض على عرض جيد على كل قصيده والى وشوله اعلمكم اخاف يحسدن احد وخاصه سراب لا ومنسى ذكرى منسيه اوالله من الشفاحه على العموم مانب امطول عليكم على ماقال المثل ((((مالكم باالطويله))))

غني البغيلي وجه اليوم توبيخ
.......................................وجاوبه باقي ويقول عاشي
تقابل الاثنين في بحث تاريخ
......................................هاشو وزعلو بين هايش وهاشي
مسكين يالى ادور اليوم تاريخ
......................................يالى تقول النفط روح بلاشي
خل السياسه عنك لايجيك تصبيخ
...................................... ووالله ماضنك قد الهواشي
عليك باالرز منته لم الصواريخ
...................................... خل الحروب للي يقود الاباتشي
وش ينفع القرقر باعلا التصاريخ
.....................................نصرخ ونستنكر والرد ولاشي
وياباقي المفلح للعلم توريخ
....................................لاتعم خصص لا بغيت النقاشي
سبيت شباب الدين اهل الشواميخ
......................................وسبيت بنات الدين وتقول راشي
في بيتك الرابع اتقول مساليخ
......................................وش دعوى ياباقي للغرب ماشي
الضاهر انك ودك يقرى عليك شيخ
...................................... والى مكثر من عتق القشاشي
مير انتبه ياهيه خل التواريخ
....................................ان ماعرفة اتخيط خل القماشي

ياسين روح وقصفوه ابصواريخ
....................................وش زينو الى سكنو بالعشاشي
وحتى الرنتيسي الى من بعد هالشيخ
....................................جاه الوعدو وين اهل العشاشي
حنا ابحالة ضعف اسكت ياهاالذيخ
.................................... مانقدر الى نقول ابوجرج عاشي
في قمبله وحده اروح تشريخ
.....................................ترانا عند امريكا والله ولاشي


والله يعين على الى يبي يزعلون وانا ماقلة الى الصحيح

بندر المحمد

صح لسانك

ياشاعرنا / أبو محمد

صح لسانك ابو محمد وفعلا رد يسوا وابن جورج هذا يبيله سنع ولا يعرف علوم العرب

شاعرنا وابن جورج على ايش الاتفاقيه والعرض

الضاهر انك ودك يقرى عليك شيخ
...................................... والى مكثر من عتق القشاشي
مير انتبه ياهيه خل التواريخ
....................................ان ماعرفة اتخيط خل القماشي



الله يسلم هاللسان
طحياطي

كل صدق بقصيده

وقال الصحيح

مير حنا مالنا الحين غير الكلام

والله يجيب من ينصرنا ويوحد كلمتنا

يارب

السلام عليكم ورحمة الله

اخواني ملكي والفارس وذكرى منسيه وLoveMan

شكرا على مجاملتكم :P والعرض ياالفارس اذا فهمت ها البيت اقولك :P


اجدادنا صمغن بها الشمع كد ماع..............وحنا رمادن طايحن من جمرها

ذكرى جازلك الخياط والقماش والى البيت ;)

اخوكم بندر المحمد

كله على بعضه حلو اقتباس من ( كلك على بعضك حلو )


طحياطي

ابو محمد الخير فيك وفي الجميع والا اللي راح راح واللي يتكلم باللي فات نقصان بالعقل وان كان فيك شهب وشهاب وفره لجهز وجهاز والتفت يمن ويسار وخلك وخلني على من باق عروبتنا وارضنا ودينا !!

والا اللي راح راح واللي يتكلم باللي فات نقصان بالعقل


ما يسير وش هذا اللي يتكلم باللي فات ناقص عقل

اسمع الشواهد على ان هذا الكلام خاطئ 100%


1/ أولا انه الطريقه الأولى في علم النفس للوصول لحل المشكلات النفسيه يبدأ منذ طفولة الشخص

2/ واللي فات مامات أجل ليش يدرسوننا تاريخ الأمه الإسلاميه في المدرسه

3/ كل شي في الماضي سواء غلط او صح يعتبر تجربه نستفيد منها في الحاضر


طحياطي

والا اللي راح راح واللي يتكلم باللي فات نقصان بالعقل


ما يسير وش هذا اللي يتكلم باللي فات ناقص عقل

اسمع الشواهد على ان هذا الكلام خاطئ 100%


1/ أولا انه الطريقه الأولى في علم النفس للوصول لحل المشكلات النفسيه يبدأ منذ طفولة الشخص

2/ واللي فات مامات أجل ليش يدرسوننا تاريخ الأمه الإسلاميه في المدرسه

3/ كل شي في الماضي سواء غلط او صح يعتبر تجربه نستفيد منها في الحاضر


طحياطي

والا اللي راح راح واللي يتكلم باللي فات نقصان بالعقل


ما يسير وش هذا اللي يتكلم باللي فات ناقص عقل

اسمع الشواهد على ان هذا الكلام خاطئ 100%


1/ أولا انه الطريقه الأولى في علم النفس للوصول لحل المشكلات النفسيه يبدأ منذ طفولة الشخص

2/ واللي فات مامات أجل ليش يدرسوننا تاريخ الأمه الإسلاميه في المدرسه

3/ كل شي في الماضي سواء غلط او صح يعتبر تجربه نستفيد منها في الحاضر


طحياطي