<div align="center">السلام عليكم

هناك قضية اود طرحهاعليكم وارجوا مشاركتي باأرائكم....

مجتمعنا الحاضر هل هو مجتمع ذكوري يعاني من سيطرة الرجل بصورة

واضحه ؟

لماذا كل شئ عيب على البنت ؟

ماهي الاشياء المتاحة للولد والمتاحة للبنت ؟

هل التحصين للفتاة يعني التشكيك فيها؟

لماذا أخطاء الولد ردة فعلها عند الاهل اقل مما لو كانت فتاة مع ان الخطأ واحد؟

هذه بعض النقاط ارجوا مناقشتها لنخرج بفائدة للجميع


مع امنياتي لكم بمناقشات هادئه وبنائه :)</div>

اشكررك اختي شرانيه على هالموضوع الحلو ..

و انا برد عليك ..

بالنسبة لسيطررة الرجل .. فالرجال قوامون على النساء بس لكل شي حد .

و المرأه كرمها الاسلام و رفع من قدرها

و بالنسبه " كل شي عيب على البنت " ..

اولاً هو حرص من عليها و لان سمعت البنت من سمعت عائلتها

أما الولد ممكن يقولون مراهق او شي زي كذا .. و ما نقارن غلطت الولد بغلطت البنت

أما الاشياء المتاحه للولد و الاشياء المتاحه للبنت .. فكل شي ما فيه عيب او يمس الشرف متاح .

أما بالنسبه لمدئ التشكيك فهذا مرض .. بس ما اتوقع ان التشكيك يجي من لا شئ

فالثقه مثل المزهريه اذا انكسررت ما ترجع لطبيعتها . و كل شي يكون حررص على البنت

و على سمعت العائله .

أما عن ردة الفعل بالنسبه للبنت و الولد .. مثل ما قلت لك خطأ البنت ما يقارن بخطأ الولد

لان الولد اكثر اختلاط بالشارع و له مبرر ممكن نقول مراهق .. رفاق سوء و كل الاحتمالات

وارده .

وهذي وجهة نظرري

تحياتي لك شرانيه

اخوووك : سرراب

أشكرك على الموضوع

البنت جوهره وأكرمها الاسلام بحريه وبمكانه عظيمة بالمجتمع ومن صفات نساء الجنه انهن قاصرات الطرف ..وهذه الصفه ان شاء الله بنساء المسلمين...

تحياتي

السلام عليكم

سراب ماقلنا شي الرجال قوامون على النساء

بس الولد يمكن يقولون مرااهق وشلون؟؟

والبنت مايقولون مرااهقه بعد

وان غلطة لبنت ماتقارن بغلطة الولد لييش

والشي اللي يقهر لما تتزوج البنت ويكتشف زوجها انه كان لها ماضي

او علاقه مع واحد ثاني ((قبل الزواج)) يطلقها ويخلي سيرتها على كل لسان

مع العلم انه خلاص قطعت علاقتها بكل رجال غير زوجها..

بس لو الزوجه اكتشفت ان زوجها كان على علاقه بوحده غيرها قبل الزواج

او حتى بعد الزواج ماراح تقدر تسوي شي وحتى لو سوت محد بيكون بصفها

لان المجتمع مع الرجال مهما كان اللي يسويه خطأ :( ..

واتمنى مايكون كلامي يزعل احد...

ومشكورين سراب وبندر على ابداء رأيكم

<div align="center">انا اوافق اخوي سراب وبندر على كلامهم واضييييييييييييييييف00
ان الشئ هذا عن البنت راجع لها يعني اذا ما حافظت على سمعتها كيف بتتزوج 00
وشكرا يا شرانيه على هذا الموضوع الجميل
بااااااااااايو :D

<marquee>سهـــــ SaHoOOoRy ـــــوري</marquee></div>

اول شي الموزوع هزا مهما تكلمنا فيه ما راح نبعد عن نفسنا ان المجتمع واي مجتمع لا بد له من سلبيات سواء كانت السلبيات هزي زاهره او مخفيه

بالنسبه ان الولد خطئه ممكن انه يتامشى مع الهموم اليوميه للمجتمع وينطوي بانطواء الايام هزا شي واقع على مجتمع مثل مجتمعنا والعكس صحيح مع البنت

بس يا اخواني حنا لما نجي نقول الرجال قوامون على النساء نتكلم من منطلق ديني والي صاير مو من الدين

الدين لما جانا وقال الشي هزا خطاء ما قال والله خطاء على النساء ونص خطاء على الرجال نو ابدا بالعكس الخطاء على كل الجنسين
واعطيكم مثال من القراءن لما انزل الله حد الزنا ما قال اجلدو الرجال ميه جلده عشانه اقوى والبنت ثمانين كلهم مائه جلده العقاب بالخطاء سواسيه رجل وامرئه مافي تفرقه بالخطاء وحنا لو تكلمنا من منطلق ديني راح نوزح وكلنا عارفين الحقائق

عشان كزا ياليت لو نبعد الاحجيه الدينيه عشان نخبي الواقع

السبب ان الولد عيوبه تخفى ويتقبلها المجتمع لان المجتمع الي حنا نعيش فيه مجتمع قبلي والمعروف بان الجزيره العربيه تسودها النزعه القبليه عشان كزا لو نتتبع التاريخ بالجزيره نلقى ان الرجل هو الي بالواجهه

غير كزا بالوقت الحالي مثل ما قال مشعان ونقطته صحيحه وهزا النقطه كان فيها مناقشه للدكتور محمد الردادي استاذ مشارك بجامعه الملك فيصل حول الموزوع هزا وهو ان الولد اكثر انفتاح على مجتمعه بحيث انه يختلط بطبقات وبثقافات مختلفه عن بيئته وهو ما يجعله كثير الاخطاء وهزا لو لاحزنا راح يمشي على كل البيوت طبعا كلامي هزا تصوروه قبل اربعين ثلااثين سنه يعني بعهد ابائنا وطبعا الاهل يدارون عن عيالهم وشوي شوي صارت بصمه من تربيه ابائنا لنا ان الولد عيبه ما هو عيب


بعدين في نقطه احب اوزحها للاخوان

عندي سؤال ..... بصوره او شكل من الاشكال هل المفروز ان البنت لازم تقع بخطاء عشان نسامحها وليه بالاصل سؤالك يدور حول الخطاء ليه نتصور ان الخطاء لازم يقع بشكل من الاشكال ليه ما نتناقش عن اسباب الوقوع بالخطاء مثلا ونتجنبها ..... ولا لا طاح الفاس بالراس نبي السماح ؟؟؟

طبعا الولد ازا اخطاء يعتبر خطاء مثله مثل البنت

رغم كزا انا راح اقولكم شي واتحدى احد ينفي كلامي الله خلق رجال وحرمه وخلق الرجل قبل الحرمه والرجل دائما قائد للانثا والانثا قائده للرجل ويتمثل الشي هزا بان الرجل قائم على اهل بيته والمرئه قائمه على من هم بحضانتها او حصانتها ........ وازا تبوني اناقشكم على ان هل العااااااااااالم مجتمع ذكوري ولالا اناقشكم بس لا تجون وتحصرون المناقشه على مجتمعنا لان مجتمعنا جزء من العالم

اولاً اشكرك اختي شرانيه على الرد ..

وانا ما قلت ان خطى الولد عادي .. بالعكس

بس مثل ما وضحت ان الولد اكثر انفتاحاً .. من البنت

و بالنسبه لك اخوي زفدع .. انا اشوف ان مبدأ مناقشة الخطأ قبل وقوعه

هو الحل الوحيد ..

و اكرر و اقوول خطأ الولد مثل خطأ البنت ..

وبالنسبه لكلامك الاخير يا زفدع .. الي هو ان ان الرجال قائد على الحررمه

والحررمه قائده للرجال .. هذا شي اكيد

فالمعنى هنا انه كل من الجنسين يقووم على الآخر .


و بس

تحياتي لكم

سرراب

السلام عليكم ورحمة الله وبركاته

أولاً:
الله يهديكم جميعاً ويهدينا وياكم لما يحبه ويرضاه

بعدين بالنسبة لهذا الموضوع صراحه أحنا لازم نناقشه من

باب الدين الإسلامي مهو نناقشه من ناحية العادات والتقاليد

وترا العرض شي كبير ..

يعني أقصد أختي شرانية يوم تكلمة بموضوعه فوق قالت انه

الرجل اذا اكتشف انه زوجته كانت على علاقة مع رجل آخر أو

شي مثل كذا طلقة .. فهذا كلام صحيح لأنه هذا عرضه

وبدال ماصارت زوجته مايشوفه إلا هو لا شافه أحد ثاني

ولكن برضه قالت ليش ما يعاقب الرجل بنفس العقاب وذلك لسبب

بسيط الذي هو أن الله سبحانه وتعالى محلل للرجال 4 زوجات

يعني لو أنه شاف أحد ثاني غيره تكون أهون من انه هي يشوفه أحد غيره

لأنه هي لرجل واحد فقط .. وممكن تشوفون هذا الإرتباط
شاب يتنكر في ثياب امرأة ويدخل حفل زواج ---> شوفو وش صار له
http://www.unaizah.com/forum/index.php?showtopic=610

اللحين وراكم كلكم عليها ... البنت تسأل بس :unsure:

بس اللي حبيت اصححه لشرانيه انه مهوب مجتمعنا بس لا .. كل المجتمعات الاسلامية .. اكرر الاسلاميه هي مجتمعات ذكوريه .

اصحح معلومه بس

العالم كله مجتمع زكوري احياننا يكون هزهي السلطه وازحه واحيانا مخفيه

بس جيبولي دوله تحكمها النساء جيبولي قانون وزعتها النساء جيبولي جيش يقوده نساء لحزه خلونا بشي من مجال المراءه جيبولي اسم اشهر طباخه بالعالم جيبولي اشهر مصممه ازياء وتكون متفوقه على الرجال


بالعقل اصلا الموزوع هزا منتهين منه

وخلوني اقولكم شي بالنسبه للغرب
انتم تقولون في حريات للمراه صح وانها تسوي الي تبيه تطلع من البيت تختلط مع الي تبيه الخ الخ
طيب معلومه للجميع قبل الحرب العالميه الاولى كانت الحرمه شغلها مقتصر على البيت وهزا كان في جميع انحاء العالم ......... بعد دخول الدول الحرب المصانع الي تصنع الاسلحه قل عدد العمال الي يعملون فيها وصار راتب العامل الواحد كبير عشان كزا فكرو ومن هم الي فكرو الطبقات المخمليه والسلطه العليا انهم يقللون من تكلفه العامل ويزدون العمال عشان كزا تبنو فكره خروج المراه للعمل .....صارو يطلعون اعلانات ان المراه من حقها انها تخرج الخ الخ .. اوكي الحرمه طلعوها من بيتها ........ شافو الحرمه بعيونهم وهي لابسه لبس العمل وشكلها مغري ....... خلصت الحرب وتعودو الناس على انهم يشوفون الحريم بلبس العمل ....... اوكي الحين الرجال يبي يتمتع ... شجع النساء وعلى فترات متتاليه وشوي شوي انها تقلل من لبسها وياليت لو نقارن مثلا الافلام الغربيه الي قبل اربعين سنه والافلام الحين اتحدى لو الفلم مره فاضح انك تلقى اكثر من بوسه اما الحين عميانا لانهم يبغون يشبعون رغبتهم الجنسيه الزكريه مو الانثويه ......... المهم البنت بدت تلبس قصير وصار الرجال يفسخها من هدومها ويشجعها انها تطلع من بيتها عشان يصيدها براحته تروح العمل عشان يحتك معاها و و و و و و

طيب ازا المجتمع العالمي مو زكوري ليه ما نشوف رجال يلبسون ملابس زيقه ونص زهرهم طالع او مثلا رجال لو راح البحر ليه ما يلبس بكيني ؟؟ ليه الحرمه بس هي الي ما تلبس شي والرجال دايما ملابسه فزفازه
ومن المعروف ان الملابس الفزفازه اريح للجسم بس ليه الحرمه ما تلبس الا الزيق
اكييييييييييييييييييييييد عشان الرجال يتمتع فيها وهي يا غافل لكم الله لاعب عليها الرجل بكلمه اسمها الحريه

مو هم يقلون بمجتمعاتهم مافي تفرقه بين الرجال والحرمه اوكي انا اجل اسال دامهم شخص واحد والي له لها ليه لبسهم مختلف
راح يجابون علي يقلون هزي بنت وهزا ولد راح ارد عليهم انتم فرقتو بينهم معناها
اوكي راح اسالهم ليه ما يصير باولمبياد مسابقه الجري مختلط رجال وحريم راح يقلون ما ينفع ليه ما ينفع راح يقولون الرجال بنيته اقوى وراح يفوز اكيد راح اقول اوكي انتم لا انتم رازين لا بالشكل ولا بالتكوين الجسماني انتم كزا تفرقون
طيب راح اسال ليه ما تخلون بامريكا المنتخبه للرئاسه حرمه يقلون القوانين ما تسمح يعني يلعبون علينا في تفرقه
وازا والله نبي نمشي على التفرقات الوهميه نبي نتعب من المسخره
ومشكلتنا نطامر وراهم ما ندري وين الله حاطنا فيه

والله الموزوع هزا انا خايف اطول فيه وانا الحين مره مختصر خاصه تسلسل خروج المرئه الغربيه لساحه الوحل

<div align="center">أختي شرانية احب أركز هنا على نقطة وهي ان الفتاة ضعيفة جداً ولابد من حمايتها من قبل واليها وانتي تعرفين ان الرسول صلى الله علية وسلم مثل النساء بالقوارير او الزجاج
</div>

أختي شرانيه

أولا من ناحية الزواج ربنا ما حط قوانين الزواج لعب وما قال على لسان نبيه عليه أفضل الصلاة والسلام (( من ماتت وزوجها راض عنها دخلت الجنه ))

وثانيا من ناحيه أخرى الغير متزوجه أو الصغيرة اللي تكون ببيت أهلها :

صفة التشكيك ليست في موضعها ولـــــــكن ضعي بدلها كلمة الخوف

وغلطة الولد مهي مثل غلطة البنت تفسيرها :

كانت في المجتمع من الأزل وتراكمت ولكن مصيرها الزوال

وثالثا هناك فكرة في رؤوس القدماء أن الفتاة اذا فقدت طهارتها لايمكن أن تعود

ولا يعرفون أن الإسلام ساوى في العقاب بين الرجل والمرأه وساوى في

التحريم ........ وهذه الفكرة أساسها الخوف من الناس وليس من الله


وشكرا جزيلا على الإستماع

طحياطي